Bodø-folk! Nordlendingar!
Den 15.februar 2003 er ein merkedag. Millionar av vanlige menneske over heile verda har gått ut på gata for å vise sin avsky mot krigen. Ei lenke av solidaritet er smidd over kontinenta, mellom amerikanarar og afrikanarar, europearar og asiatar, mellom kristne, muslimar og ikkje-religiøse, mellom folk med svært ulik politisk oppfatning. 

Herredømme over liv og død er for viktig til å overlates til politikarar og generalar. Maktmenneska skal tvinges til å lytte. Stopp den planlagte krigen mot Irak! Slepp FN fri frå nakketaket til den einaste supermakta i verda, som prøver å ta verdsorganisasjonen til fange! Kjemp for kollektiv sikkerheit i Forente Nasjonar av likeverdige land i ei rettferdig verd!

Det er alternativet til den nye, livsfarlige verdsorden som no skal grunnfestes med krig og nedslakting av uskyldige.

Fredsbevegelsen blir av noen beskyldt for å vere naiv og historielaus, for å tru at freden sikres gjennom å gi etter for undertrykkarar og krigsbrannstiftarar. Den ynkelige despoten Saddam Hussein skal være ein ny Hitler.- Men Hitler leda ei verdsmakt som gikk til krig for verdsherredømme. Saddam er diktator i eit lite land som ligg med brukken rygg etter to krigar og 12 års boikott fra verdssamfunnet. Dette landet skal være ein dødelig trussel mot verdsfreden – og mot USA, den mektigaste krigsmakta verda noen gong har sett!

Kem er naiv?

I går kom det fram at Irak har rakettar som ulovlig når 183 km istaden for 150 km.. Dette brottet er visst aleine grunn nok til krig. For å nå til Washington må dei skytes ut 65 gonger i etappar over Middelhavet og Atlanterhavet….

Så tenker vel USA på naboane til Irak? Men ingen av dei kjenner seg trua  – stikk motsett naboar av Hitler som blei forrådt av vestmaktene før siste verdenskrig.

Ingen av oss her har det minste sympati for despoten Saddam Hussein. Men verda trur heller ikkje på Bush og co når dei vil gå til krig for å innføre demokrati i Irak. Det er berre å sjå i auga – også før Bush har USA gjennom heile det forrige hundreåret vore med å styrte eit utall regjeringar i andre land i og utafor Midt-Østen. Noen gonger for å skifte ein despot ut med ein annan, andre gonger som 11.september for 30 år sia, ved å myrde den folkevalte presidenten i Chile, Salvador Allende, og sette inn diktatoren Pinochet.

Masseødeleggingsvåpen bør gjøres greie for og destrueres. Men ikkje berre i Irak. USA - og dei andre vetomaktene i Sikkerheitsrådet – er søkk full av atomvåpen og gift og kjemikaliar. Om Irak har Antrax, er det fordi landet fikk det frå USA da Saddam var USAs venn. Kor mange andre har USA sendt gifta til? Derfor: Send inn våpeninspektørane – også til USA og dei andre!

Våpenmakt til forsvar mot angrep er akseptert av dei fleste.

Men folk over heile verda merker at noe er nytt i den amerikanske krigsretorikken. Noe som varslar ille for framtida. USAs nye militærdoktrine gir landet rett til å gå til krig viss landet meiner ein stat kan utgjøre ein trussel i framtida. Det kan kalles ”forkjøpskrig” eller ”preventiv” krig, men er ikkje anna enn gammaldags angrepskrig. Til alle tider har angrepskrigar vore begrunna på denne måten. Får USA pressa FN med på å angripe Irak ut frå denne doktrinen, er det eit grunnskott mot verdsorganisasjonen som fredsstiftar. Det er og ein fulltreffar mot dagens folkerett, det kan faktisk gjennom ein FN-krig bli ny folkerett å gå til angrepskrig!

For eit lite land som Norge er dette ei livsfarlig utvikling

Heldigvis ser det i øyeblikket ut til at fleirtalet i sikkerheitsrådet står mot USA under presset frå ein uventa sterk fredsbevegelse. Det kan snu! Tanken på at Norge i tilfelle skal følge FN i krig, er forståelig, men kortsiktig og farlig. Det vil vise USA at dei berre kan true med krig på eiga hand, så får krigen eit vakkert FN-stempel. Vi blir med på å bryte FN sitt eige Charter mot angrepskrig. Det vil legalisere nye  ”forkjøpskrigar” mot statar USA har noe uoppgjort med. Det er mange – og vil bli fleire. Vi får ei farligare verd.

Ja - vi bør lære av mellomkrigstida og vise fastheit mot stormakter som strever etter verdsherredømme - også om dei skulle greie å ta FN til fange!

Det er USAs nye verdsorden som skal grunnfestes gjennom krig mot Irak. Det fins berre ei supermakt etter den kalde krigen. Maktmonopol har alltid vore farlig. Ingen har rygg til å bere det. Bush set på spissen tendensar som var tydelige i den amerikanske politikken før han. Ei rad mellomfolkelige avtalar om nedrusting, våpenkontroll, miljøvern og internasjonal økonomisk kriminalitet er sett til side. Da USA krevde – og fikk! – unntak for amerikanske borgarar i den internasjonale krigsforbrytardomstolen, var det eit viktig symbol: USA, som krev rett til å bestemme over liv og død i heile verda, vil ikkje sjøl vere underlagt internasjonale avtalar. Ingen står over ”God ´s own country” utenom Gud sjøl, og Bush er hans representant.

For ei kvar makt som strever etter kontroll over verda, har Midt-Austen ein nøkkelrolle. Irak ligg strategisk til for å ”restrukturere” Midt-Austen. Irak har dei nest største oljereservane i verda, etter nabolandet Saudi-Arabia. Det er nok til 100 år med dagens forbruk i USA – som med 5 % av folket på jorda bruker 25 % av oljeutvinninga. Det kan vere nok til å knuse Opec si makt, og det kan sikre eit tak på andre oljehungrige i EU, Japan og Kina. Irak har enorme vassressursar i Eufrat og Tigris, i eit område der mangelen på vatn er like stor som overfloden av olje.

Mange fryktar at Midt-Østen bokstavelig talt kjem i brann med ein krig mot Irak. Sharon og Bush har funne kvarandre. Den sionistiske bevegelsen Sharons parti spring ut av, hadde ”Eretz Israel” - Israel frå Eufrat til Nilen - som sitt mål. Mens Colin Powell seier ”resolusjon 1441” 15 gonger i minuttet for å true med bombefly fordi Irak ikkje ”fully complies” med FN-resolusjonen, får Israel bombefly frå USA til bruk mot dei som gjør motstand når Israel trampar på snesvis av FN-resolusjonar om å trekke seg ut av okkupert land.

Krig mot Irak vil i araberverda og blant verdas muslimar bli sett i sett på som ein fortsettelse av dei kristne sine korstog mot den muslimske verda. Det er ønskedraumen for fundamentalistar som ønsker ein stort samanstøyt mellom sivilisasjonanene. Bin Laden si terrorgruppe oppstod som reaksjon på den forrige Golf-krigen. Med krig i Irak vil det bli jomfruelig mark for masserekruttering av nye terroristar.

Colin Powel viser frem Anthrax fra sitt eget lager

USA gjør det dei kan for å bombe fram sitt eige fiendebilde.

I andre fattige land vil krig bli sett på som ein fortsettelse av koloniveldet og imperialismens herjingar. Det vil bli sett på som eit teikn på kor langt USA er villig til å gå for å sikre oljelobbyen og storkonserna si makt. Det vil avle motstand. Fredsbevegelsen må smelte sammen med den internasjonale bevegelsen for global rettferdigheit!

Den norske regjeringa har under trykket frå opinionen lagt seg eit lite stykke frå USA i retorikken, uten at noen til no har hørt eit pip av kritikk frå Petersen mot USA si linje.

I Bodø held vi på å miste uskylda. Kem hadde for få år sia trudd at Bodø flystasjon skulle bli base for bombing i Asia? Før var den amerikanske sikkerheitsgarantien basert på antatt felles interesser i nordområda. No skal vi sikre amerikansk støtte ved å vise oss som lojale leigesoldatar i amerikanske krigar i andre delar av verda

Vil vi det? Risikerer vi å eksportere bombefly og importere terrroristar? Skal forsvarsbyen Bodø bli bombebyen Bodø?

Det står om Bodø si sjel.

Over heile verda engasjerer vanlige menneske seg. Men i det norske Storting sat ein høgrerepresentant og spelte krigsspell da Stortinget diskuterte krig i Irak og norske bombefly i Afghanistan. Etter initiativ frå ”City Council” i Chicago har 60 bystyre i USA gått mot krig mot Irak. Men i bystyret i bombebyen Bodø uttalte sist torsdag ein ung høgrerepresentant at krig i Irak angår Bodø bystyre like mykje som kjøttprisane i Botswana!

Etter sikkerheitsrådets møte i går ser det litt lysare ut. Det nyttar! Krigen kan stoppes! Krigsmotstandarane i Sikkerheitsrådet treng all mulig støtte. Men det lar seg ikkje nekte at noen av dei også har eigeninteresser som kan dra i retning av å bli med på laget om USA set i gang krigen.

Kjem krigen, må vi vise fastheit mot aggresjon. Motvekt mot USAs allmakt i verda er etterlyst. Den viktigaste motvekta er den globale massebevegelsen av vanlige menneske.

Blir det krig, vil den internasjonale fredsbevegelsen gå ut på gatene igjen den første lørdagen etter eit krigsutbrott.